Zwiambaro zwa mvelele ya vhavenda

Zwiambaro zwa sialala ya vhavenḓa zwina mivhala mivhala zwa dovha zwa vha na zwine zwa amba. Zwi ambariwa hu khou pembeliwa vhutambo ho fhambanaho.

Vhafumakadzi vha ambara ṅwenda. Ṅwenda uyo u tou kanyeliwa wa dovha wav ha na mivhala yo fhambanaho I ngaho Lutombo, Mudala, Mutsuku, na Ṱada.

Ṅwenda uyo u sembedza u naka ha mvelele ya vhavenḓa na u ḓi phina nga vhutshilo. Mufumakadzi o maliwaho u pakata munwe Ṅwenda nga nṱha kha mahaḓa hu u sumbedza tshiimo tshawe kha lushaka.

Vhanna vha ambara tsindi. Ndi tshiambaro tshi itwaho nga mukumba wa tshipuka.

Zwiambaro izwi zwi sumbedza u ḓihudza na u ḓiimisa ha munna wa muvenḓa.

Vhulungu ndi ha ndeme kha sialala ya vhavenḓa. vhafumakadzi vha a ambara vhukunda, tshipfuno na bege yo itwaho nga malungu zwine zwa sumbedza vhubvo havho na tshiimo tshavho.

maṅwe malungu a ṱalusa mitupo na tshiimo tsha muthu o a ambaraho.

Zwiambaro izwi zwa sialala zwi wanalesa minyanyani, dzi ngomani na tshivhidzoni tsha musanda.

I tanganya vhavenda na vhufa havho. Zwa vha humbudza nga vhukoni na u naka ha mvelele yavho.

Vha dovhe vha vhale: Zwifhoni zwa dzivha Fundudzi

Namusi, vhunzhi ha vhaswa vha vhavenḓa vha tanganyisa maitele a mvelele yashu na maitele a tshizwino a vha shandukisi zwine zwiambaro zwa amba zwone hu itela u hulisa sialala na vhufa ha lushaka lwa vhavenḓa.