Mvelele ya sesotho: ndi buroho I tanganyaho dzinwe tshaka

Mvelele ya hone, luambo na maitele ayo zwi ya vha na vhushaka ha tsini na ha maZulu, Xhosa, matswana na dzinwe tshaka nnzhi.

Kha miṱangano ya sialala, zwiambaro zwa vhasotho zwi ya vhonala kha mahaḓa fhedzi mubvumo wa ngoma u ṱanganya tshaka dzoṱhe.

Hu nga vha vhuṱambo ha vhasotho kana vhuṱambo ha Zulu (hune ha ṋewa zwifhiwa).

Muya wa Ubuntu u a kunda nahone u penya vhukuma.

Vhaṅwe vhathu vha mvelele dzo fhambanaho vha kovhelana zwiḽiwa, u tshina, na u anetshelana zwiṱori u itela u khwaṱhisa vhushaka havho.

Luambo na lwone lu na mushumo muhulwane kha vhushaka uhu.

Hetshi tshisotho tshi na zwithu zwine zwa fana na tshitswana na tshipedi,

 nahone hezwo zwi ita uri zwithu zwi leluwe kha vhushaka vhukati ha hedzi mvelele.

Dziḓoroboni na miḓini, zwo ḓowelea u pfa muthu muthihi a tshi amba nyambo dzo fhambanaho u itela u sumbedza u ṱhonifha na u pfesesa luambo lwa muṅwe.

Mbinganoni, u ṱanganyisa mvelele zwo ḓowelea.

Zwi ya konadzea uri munna wa Musotho a vhinge mufumakadzi wa mu Xhosa, kana muselwa wa mu Zulu a dzhie maitele a vhasotho.

Miṱa i ṱanganya mvelele hu tshi ṱhonifhiwa masia oṱhe. Na zwiḽiwa zwi nga ṱanganya mvelele.

Motoho uya ḓivhea vhukuma mahayani a vhasotho, sa vhunga umnqgusho zwi tshi swika kha dzi ṱafula dza vhasotho.

Hezwi zwiḽiwa zwi amba nganea ya ḓivhazwakale yo ṱanganelanaho na u livhuwa zwoṱhe.

 Zwino, nga luimbo, mitshino, luambo na luambo lwa ḓuvha ḽiṅwe na ḽiṅwe, mvelele ya vhasotho i shuma sa buroho.

Ri pembelela u fhambana ngeno ri tshi khou khwaṱhisa vhuthihi vhune ha ita uri Afrika Tshipembe ḽi

khwaṱhe .

vhalani hafhu: Mbingano dza mvelele ya ma Ndebele

• Source: southafrica.co.za

• Translator: Nthaduleni Rolivhuwa