Mvelele ya vha Tsonga ya mbingano

 Kha mvelele ya vha Tsonga, vhazwala vha u thoma vha nga si kone u mala, nahone a vha iti zwa mbingano ya vhana.

 Naho zwo ralo, khotsi a nga themendela vhasidzana kha murwa wawe.

Munna u mbo ḓi rumela mufumakadzi rinngi ya mahatsi kana mupfa, na ene u ita zwi fanaho arali e na dzangalelo ḽa u vha mufumakadzi wawe.

Nga murahu ha musi khotsi a musidzana vho no tenda lwa mulayo uri vha ṱangane, khotsi a mutukana vha rumela muṱa wawe kholomo u itela u khwaṱhisa thendelano.

Nga murahu ha zwenezwo, miṱa mivhili i bvela phanḓa na nyambedzano dza tshelede ya ṱhoho nga vhapfumedzanyi vhavhili vhane vha imela sia ḽiṅwe na ḽiṅwe.

Muṱa wa onoyo musidzana u ita tshiṱhavhelo tsha kholomo u itela vhomakhulukuku musi a tshi khou ṱuwa hayani ha khotsi awe.

 Hezwi zwi tevhelwa nga miṱa yoṱhe i tshi khou ita munyanya kha muta wa muselwa.

 Nga hetshi tshifhinga, muṱa wa muselwa u mu ṋekedza lwa mulayo kha muṱa wawe muswa.

Vhavhingani vha dzhiiwa sa vho vhinganaho lwa mulayo.

Mufumakadzi muswa u dzula kha muta wa mazwale wawe, a tshi vha thusa nga mishumo ya hayani.

Nga zwenezwo, mazwale wawe vha mu funza mikhuvha ya muṱa.

Mufumakadzi o pfulutshela kha muti wawe nga murahu ha musi o no vha na ṅwana wawe wa u thoma

fhedzi a bvela phanḓa na u shumisa khishini ya mazwale wawe u swika murathu wa munna wawe a tshi vhingwa.

Vhalani hafhu:Mvelele ya vhapedi vha Afrika Tshipembe

• Source: briefly.co.za

• Translator: Nthaduleni rolivhuwa