Mvelele ya u vhulunga vhakololo kha lushaka lwa vhavenda.

Kha mvelele ya venda u vhulungwa ha murado wa muta wa vhuhosi ndi vhuṱambo vhukhethwa vhukuma nahone ho pfumaho nga zwiga, zwine zwa sumbedza ṱhonifho khulwane ya tshitshavha kha mafhungo a vho makhulukuku, mimuya na mvelele.

Heyi mikhuvha yo fhambana na ya vhasiwana nahone yo ḓala nga zwipiḓa zwine zwa hulisa vhuimo ha mufu na u vhona uri hu na vhuthihi vhukati ha fhethu ha ṋama na ha muya.

Hune vhakololo vha vhulungelwa hone kanzhi hu vha hone fhethu ho khetheaho, hukhethwa hune ha ḓivhiwa sa Tshiendeulu.

Hafha fhethu ho vhetshelwa vhare na malofha a vhuhosini fhedzi, nahone u hu swikelela ho thivhelwa u itela u vhulunga vhukhethwa haho.

  Fhethu hune ha vhulungwa  hone hu dovha ha sumbedza mafhungo a vhubvo ha lushaka.

Mitupo ine ya vha na mvelele yo vhofhelelwaho kha dzi thavha vha nga vhulunga vhakololo vhavho fhethu hune ha vha ho ṱanḓavhuwela nnṱha, zwine zwa sumbedza vhushaka na maanda a vhomakhulukulu na vhulavhelesi.

Vha Lushaka lune lwavha na  vhushaka na maḓi vha  nga vhulunga vhakololo vhavho tsini na madamu kana milambo, zwi tshi khou ombedzela thero yau beba, vhutshilo, na u dzika ha muya.

Hedzi mvelele dza u vhulunga vhakololo dzi ombedzela zwithu zwo dzikaho zwa vhathu vha venda zwa u ṱhonifha, mimuya, na u vha na vhuthihi ha tshitshavha.

A dzi shumi fhedzi sa u laela vharangaphanḓa vha ṱhonifheaho fhedzi fhedzi dzi dovha dza shuma sa u khwaṱhisedza hafhu vhuḓiṱalusi ha mvelele na u bvela phanḓa.

Vhalani hafhu:Ndeme ya danga ḽa kholomo kha Mazulu.

• Translator: Nthaduleni Rolivhuwa