Vhuṱambo ha Imbeleko .
Imbeleko ndi vhuṱambo vhune ha vha hone nga murahu ha musi ṅwana o no bebiwa.
Heyi ndi nyito ya u bvisa mukombo kha mme wa ḓivhadza ṅwana kha makhulukuku, imbeleko zwi amba nyito ya u beba kana u hwala nga muṱana wau.
Hu ṱhavhiwa mbudzi sa tshiga tsha u ṋekedza vho makhulukuku.
Nga sialala, vhahulwane vha muṱa vha amba vha humbela vho makhulukuku uri vha ṱanganedze, vha livhise na u tsireledza ṅwana.
Hezwi ndi zwithu zwine zwa vha uri zwo ḓoweleya kha mvelele dzine dza nga dza Zulu, Tshixhosa, Kikuyu, Tshishona, Ashanti na dzinwe nnzhi.
Kha imbeleko, hu fanela u ṱhavhiwa mbudzi sa tshiṱhavhelo kha vho makhulukuku. (mbudzi i dzulela u ṱhavhiwa hu tshi khou itelwa vhuṱambo vhune ha vha uri ho katelwa u amba na vho makhulukuku) .
Muhulwane wa muṱa ane avha na vhuḓifhinduleli ha u amba na makhulukuku u ḓo vhidza ṅwana nga dzina ḽawe musi a tshi khou mu ṋekedza makhulukuku nga hetshi tshifhinga musi mbudzi i tshi khou ṱhavhiwa.
Vhathu vha ma Zulu kanzhi vha vha na madzina ane a fhira ḽithihi, zwine zwa nga vha dzina ḽa mulayo ḽine ḽa ṋewa nga miraḓo ya muṱa wo ṱanḓavhuwaho.
Kanzhi madzina a sumbedza zwine muṱa wa zwi lavhelela na ṱhuṱhuwedzo kha ṅwana; dziṅwe dzi sumbedza tshenzhelo dza muṱa kana nḓila ine vha tshimbidzana ngayo na vhaṅwe vhathu vha vhuponi havho.
Tshinwe tshifhinga dzi amba tshifhinga/nyimele dza mutsho nga tshifhinga tsha u bebwa ha muthu.
- Vhalani hafhu:Mvelele ya Mpondo/ AmaMphondo.
Zwo ḓowelea hafhu uri madzina a sumbedze lutendo lwa vhurereli na lutendo lwa zwa politiki.
Ndi mvelele uri vhahulwane vha ambe na vhomakhulukuku vha vha humbele uri vha livhise na u tsireledza ṅwana.
- Source:http://imithiyesintu.co.za
- Translator:Nthaduleni Rolivhuwa
