Khosi ya kale ya VhaVenda vho amba uri  “ndumi” i nga vha khosi

Khosi ya kale ya VhaVenda, Vho-Toni Mphephu Ramabulana vho vhudza khothe khulwane ngei Polokwane, Limpopo,

Uri tshanḓa tsha u ḽa tsha khosi, kana ‘ndumi’ i nga gonya khuluṋoni arali khosi ya lovha hu si na muthu ane a ḓo i tevhela.

Vho-Mphephu Ramabulana vho amba uri vhuimo ha ‘ndumi’ vhu a fhaladzwa nahone mukololo a vha o teaho u khethiwa uri a dzhene kha khuluṋoni.

Vho vha vhe ‘ndumi’ kha murathu wavho khosi, Vho-Dimbanyika Mphephu vhane vha dovha vha vha khotsi a mukhaedu wavho, Mufumakadzi Vho-Masindi Mphephu.

Vho-Mphephu Ramabulana vho rangwa phanḓa kha u vhudzisesa nga ramilayo wavho, Advocate Shoni Ravele.

“Hezwo zwi tou rali kha rine vhe ra vha ri ndumi na khadzi zwothe zwo humela murahu ra vhuyelela kha u vha vhakololo.”

Vho-Mphephu Ramabulana vho dovha vha amba uri mvelele ya Mphephu a i thivheli ndumi u vha khosi.

“Ahuna tshithu tshine tsha ita uri ndumi i sa fanelee u vha khosi fhedzi maitele ndi a uri hu fanela u vha na u vhuyelela murahu nahone vha ḓo dovha vha khethiwa,

• VHALANI HAFHU : Muselwa na Mukwasha kha lushaka lwa maNdebele 

vhukati ha vhaṅwe vhakololo nahone vha dovha vha fanela u ṱola na nnḓu kana muṱa u tevhelaho kha mutevhe wa lushaka.”

Translated by Nthaduleni Rolivhuwa