Vhasotho vha fhedza lini nwaha?
Musi vhanzhi vha tshi ḓo vha vho pembelela ṅwedzi muswa nga Mugivhela, vhasotho vha ḓo vha vha tshi khou pembelela u thoma ha ṅwaha wavho muswa.
Ḽa 1 Ṱhangule ndi ḓuvha ḽa u pembelela Ṅwaha Muswa wa Afrika, une wa dovha wa ḓivhiwa sa Ṅwaha wa Basotho, wo ṱalutshedzelwa nga nḓila yo vhofholowaho sa “Ṅwaha wa Basotho”.
“Musi ri tshi amba nga ha ṅwaha wa vhasotho, ri vha ri tshi khou amba nga ha ṅwedzi wa Ṱhangule,
“Une nga tshisotho wa vhidzwa upfi Patho.Ngauralo hoyu ndi ṅwedzi wa ndeme vhukuma sa izwi u tshi sumbedza mathomo a ṅwaha muswa.
“Vhathu vha Basotho vhana khalenda ine ya vha uri yo khethea vhukuma ine ya thoma nga nwedzi wa Phando ya fhela nga nwedzi wa Fulwana,
“Zwi sa fani na khalenda ya zwino ine ra i shumisa Afrika Tshipembe.
“Khalenda yashu ya tshifhinga tshoṱhe i thoma nga Phando ya fhela nga Nyendavhusiku,
“Ine vhukuma ya vha khalenda ya vhukoloni yo ḓiswaho nnḓa nahone yo thewa kha khalanwaha ya Yuropa,” hu ṱalutshedza muṅwali wa Basotho Origin of Mathematics, Zulumathabo Zulu.
Murado wa khoro ya pfanelo dza vhathu ya Free State, Vho-Momothibeli Sehlabo, vha engedza nga uri vhuswa vhu amba zwithu zwinzhi kha mvelele ya Basotho.
“Ṅwaha wa Basotho u pembelela u bebiwa na u hula ha zwimela zwoṱhe zwe zwa vha zwo tshinyadziwa nga vhuria zwino zwo no lugela u mela hafhu.
Nga hetshi tshifhinga, Basotho vha ḓo dovha vha rabelela mvula ngauri zwimela zwiswa zwi ṱoḓa mvula.”
Uya nga ha Basotho vha kale, u pembelela havho hu katela thabelo ine ya vhidziwa upfi “Thapelo ea Basotho”, zwine zwa vha zwi tshi khou ṱalutshedzelwa sa thabelo ya Basotho.
“Vha Basotho vha na tshaka dzo fhambanaho dza thabelo, sa tsumbo, ri ḓo rabela mvula nga nḓila yo fhambanaho musi ri tshi vhambedza na u rabela mufumakadzi a sa bebi,” hu amba Sehlabo.
Translated by Nthaduleni Rolivhuwa
