Ḓuvha ḽa Vhufa ndi vhuṱanzi ha uri u fhambana hashu ndi maanḓa ashu

Ḓuvha ḽa Vhufa ndi vhuṱanzi ha uri u fhambana hashu ndi maanḓa ashu .

U pembelela u ḓikukumusa ha tshifhinga tshashu tsho fhiraho na fulufhelo ḽa vhumatshelo hashu nga Ḓuvha ḽa Vhufa.

Ḓuvha ḽa Vhufa ḽi fhira holodei ya tshitshavha yo swaiwaho kha khalenda, kha nṋe, ndi tshihumbudzo tshi tshilaho tsha hune ra bva hone na vhuimo hune ra vha hone  ṋamusi.

Ndi ḓuvha ḽine ḽa ri ṱuṱuwedza uri ri ime, ri humbule, na u pembelela vhuḓiṱalusi ho fhambanaho vhune ha vhumba nganea ya Afrika Tshipembe.

Kha nṋe, Ḓuvha ḽa Vhufa ndi ḽa vhuṱumani. Ndi vhududo ha dziresipi dza muṱa dzine dza fhiriselwa kha murafho u bva kha murafho u ya kha murafho.

Zwilidzo zwa muzika zwine zwa dovholola ḓivhazwakale dzashu, na mvelele dzine dza ri humbudza u konḓelela hashu.

Ndi kha nyambo dzine ra dzi amba, nḓila ine ra lumelisana ngayo, na tshenzhelo dzo ṱanganelanaho dzine dza ri vhofha naho ro fhambana.

Ḓuvha iḽi ḽi dovha ḽa nṋea khaedu ya u humbula nga ho dzikaho nga ha vhuḓifhinduleli.

vhuḓifhinduleli ha u tsireledza na u hulisa zwine ra zwi wana sa ifa.

Vhufa a si ha zwithu zwa kale fhedzi; ndi nga ha zwine zwa khou tshila. Ndi kha maitele ashu a mvelele, vhutsila hashu, shango ḽashu, na kha nndwa dze dza ṱalusa lushaka lwashu.

Ndi tenda uri Ḓuvha ḽa Vhufa ndi khuwelelo ya u tsireledza ifa iḽi ngeno ri tshi khou ita tshikhala tsha mvelele ntswa dzine dza sumbedzisa Afrika Tshipembe ḽine ra khou isa phanḓa na u ḽi fhaṱa.

Zwino, duvha la ufa li amba mini kha nne? Zwi amba u ḓikukumusa, u elekanya, na u livhuwa.

Zwi amba u sedza murahu hune ra bva hone nga ṱhonifho na u sedza phanḓa nga fulufhelo.

• Vhalani hafhu :Ṅwedzi wa Vhufa: U pembelela vhahali vha Afrika Tshipembe

Ndi u pembelela zwine nda vha zwone, zwine ra vha zwone, na zwine ra kha ḓi nga vha zwone rothe .

Source : http://Iol.co.za