Mbingano ya sialala ya vhaSwati

Mtsimba ndi mbingano ya sialala ya vhaSwati, “Mtsimba” nahone kha vhuṱambo uhu muselwa u ḓikumedzela kha muṱa wa vhuhadzi hawe vhutshilo hawe hoṱhe.

Vhuṱambo vhu ṱanganya miṱa mivhili, ya muselwa na mukwasha, nahone vhu itwa nga zwipiḓa zwine zwa fhedza maḓuvha manzhi, hune tshipiḓa tshiṅwe na tshiṅwe tsha vha na ṱhalutshedzo ya mvelele ya ndeme ine ya fhiriselwa kha murafho.

Zwa u lugisela Mtsimba zwi thoma hayani ha muselwa, ha kona u tevhelwa nga mushumo wa u ya mudini wa mukwasha.

Nga ḓuvha ḽine vha swika, hu thoma maḓuvha mararu a vhuṱambo, ha tevhela vhuṱambo vhuhulwane, ha kona u vha na mbingano, zwine zwa khwaṱhisedza mbingano ya vhukuma.

Nga maḓuvha a tevhelaho, muselwa u ṋea muṱa wa mukalaha wawe zwifhiwa nahone vhusiku honoho u thoma u dzula na mukalaha wawe.

Musi muselwa a sa athu ṱuwa, khotsi a muselwa vha ḓivhadza mashaka, dzikhonani, khosi, na vhahura nga ha mbingano, vha nanga vhathu vhane vha ḓo fhelekedza muselwa.

Muselwa u hwala makhanḓela,  tswielo na zwifhiwa zwo itwaho nga zwanḓa.

Mbamba iya tombiwa, kha zwifhinga zwine mukwasha a vha o dzula nga tsini, muselwa u hwala halwa kha tshigoḓelo sa nḓila ya u sumbedza thendelo ya muṱa.

Vhutambo uvhu vhu ṱanganya zwigwada, miṱa na mvelele zwi dovha zwa vha tshikalo tsha u linga ṱhonifho, vhuthu na u ṱanganedziwa kha muṱa wa vhuhadzi.

Musi zwoṱhe zwo no itwa, hu vha na u tshina, u takala, u ḽa, u nwa.

• VHALANI HAFHU: Shaka Zulu- Khosi ya maZulu

Muselwa ha vhuyi hayani u dzula na mukalaha wawe ngauri o wana haya hawe huswa.